السلام عليكم ورحمه الله وبركاته
اشحالكم بنات ان شاء الله بخير
يبت لكم اليوم سويت رهيب وطعمه حلو من قلب
نبدأ بامقادير:
مقادير الطبقه الأولى:
1كاس حليب بودره نحمسه عالنار حتى يصير لونه ذهبي.
3/4 كاس سكر.
5 بيضات.
1/2 كاس زيت.
1 ملعقة طعام بيكنج بودر.
1/4 ملعقة طعام نسكافيه.
تخلط جميع هذي المقادير بخلاط الكاس جيدا حتى تمتزج‘وبعدين نحطها بصينيه بايركس مستطيله
وندخلها الفرن على درجة حراره متوسطه مثل الكيك انا فرني كهربائي احطه 360في الرف الاوسط
لمدة 1/3ساعه او انك تختبرينها بعود اسنان او سكين وتتاكدين انها استوت
وعقـب انيي للطبقه الثانيه:
8حبات جبن كيري.
بيالة سكر.
بيالة حليب سائل طازج مثل نادك ولا المراعي اللي موجود.
تخلط في الخلاط عدل ثم نضعها فوق الطبقه الاولى بعد ماتستوي ونرجعها الفرن مره ثانيه بس هالمره
نشغله من فوق دقايق بسيطه بس حتى يجمد الخليط ويتماسك.
الطبقه الاخيره:
3/4 كاس ماء.
3 ملاعق طعام حليب بودره.
2 ملعقة طعام كاكاو بودره(هنتز).
كيس واحد كريم كراميل.
توضع عالنار وتحرك جيدا حتى تغلي وبمجرد ان تغلي خلاص شيليها عن النار.
تسكب فوق الطبقة الثانيه برفق ثم تزين بحبيبات الهيرشي والشوكلاته السائله وتدخل الثلاجه
وياحلاته مع الكابتشينو....
وصحتين على البكن ^_^...
موضوع: سـويـت حـلـو وشـكـله رهيـب 
يناير 3rd 2008, 3:16 am
